Puffin Palace gistiheimili er í hjarta gamla bæjarins á Sauðárkróki og býður upp á samtals níu rúmgóð og þægileg herbergi í Aðalgötu 10a og Aðalgötu 14. Sameiginleg snyrting með sturtuaðstöðu og fullbúin eldhúsaðstaða í hvoru húsi. Frí nettenging er í báðum húsum.
Veitingastaðir, bakarí og sundlaug eru í göngufæri. Sýning Puffin and friends er skammt undan sem og sýningin 1238 Bardaginn um Ísland (1238 Battle of Iceland). Þægilegar gönguleiðir eru með fjöru eða á Nafir.
Grettislaug, Drangey, Glaumbær, Víðimýri, Hólar og Hofsós eru meðal margra áhugaverðra staða í Skagafirði.
Ýmis afþreying er í boði í Skagafirði og má þar nefna hestaleigur, golfvöll, sundlaugar, flúðasiglingar, sjóstangaveiði, skíðasvæði, söfn, skotvöllur, fuglaskoðun og gönguferðir. Sjá Visit Skagafjordur og Skagafjordur.
Það er kjörið að gista hjá okkur og fara í dagsferðir um Norðurland, allt vestur á Strandir eða austur að Mývatni.
