Holt Inn Sveitahótel á Vestfjörðum

Holt Inn Sveitahótel á Vestfjörðum

Holt Inn Sveitahótel á Vestfjörðum

No reviews
  • Holtsskólavegur, 426 Flateyri, Iceland
  • 4567611
  • Hótel
Holt Inn er fjölskyldurekið sveitahótel í Önundarfirði á Vestfjörðum, stofnað af hjónunum Helgu Dóru Kristjánsdóttur og Ásvaldi Magnússyni og syni þeirra og tengdadóttur, Kristjáni Óskari og Hólmfríði Bóasdóttur. Holt Inn gerir sér far um að veita persónulega þjónustu og sýna gestrisni. Lögð er áhersla á nálægð við einstaka náttúru, friðland, fjöru, fjöll, firði, hreinleika, dýralíf, útsýni og norðurljós. Einnig býður staðurinn upp á friðsæld, fámenni, litla ljósmengun, víðáttu og kyrrð. Með öllu þessu sem Holt Inn og umhverfi hefur að bjóða þá er það stefna hótelsins að gestir geta fengið einstaka gæðaupplifun fjarri hversdagslegu amstri á flottu hóteli en með snefil af sveitastemmingu.
Sveitahótelið opnaði í júní 2018 eftir miklar endurbætur. Húsnæði Holt Inn var byggt sem barnaskóli og félagsheimili um 1952, en nú hefur það verið gert upp og breytt í hótel. Þar eru 11 tveggja manna herbergi, öll með sér baði. Í tveimur herbergjum eru aukarúm. Í húsinu er setustofa sem tekur um 30 manns og salur sem tekur rúmlega 100 manns. Þar er gott að halda fundi, ráðstefnur og veislur. Góð nettenging, skjávarpi, sjónvarpsskjár, píanó og orgel eru til staðar. Í nágrenni Holts eru margar fjölbreyttar gönguleiðir. Holtsfjara með sínum hvíta skeljasandi dregur að sér gesti, allan ársins hring. Sandkastalakeppni er haldin um hverja verslunarmannahelgi í fjörunni. Þar er Holtsbryggja, dálæti ljósmyndarans. Gamall þjóðvegur liggur um Holtsegi, þar sem iðandi fuglalíf er á sumrum. Hægt er að tjalda í trjágarðinum og við húsið, þegar stærri hópar koma til gistingar og tenglar eru fyrir húsbíla og rafbíla.
Share: Facebook Twitter LinkedIn Email

Skildu eftir svar

Netfang þitt verður ekki birt. Nauðsynlegir reitir eru merktir *

Rate this by clicking on a star below: *

error: Content is protected.....B Companies Group.....