Hof-1 Hótel í Öræfum

Hof-1 Hótel í Öræfum

Hof-1 Hótel í Öræfum

No reviews
  • Hof 1, Austurhus, 785 Hof, Iceland
  • 478 2260
  • Hótel

Hof-1 Hótel í Öræfum er í einni fegurstu og sérkennilegusta sveit á Íslandi, „Sveitinni milli sanda“. Yfir gnæfir Öræfajökull, framundan breiðir Skeiðarársandur úr sér, þjóðgarðurinn í Skaftafelli er örskammt frá og austur undan er stutt í töfraheim Jökulsárlóns á Breiðamerkursandi og að friðlandi fugla í Ingólfshöfða. Í faðmi þessarar ægifögru náttúru kappkostum við hjá Hof 1 hótel að bjóða persónulega þjónustu í fyrsta flokks gistingu og veitingaaðstöðu. Hof 1 Hótel er opið allt árið. Nýtt sveitahótel á gömlum grunni Hof 1 Hótel er í sambýli við hina gömlu torfkirkju í Öræfasveit í töfrandi umhverfi miðsvæðis í sveitinni. Hótelið er að hluta í byggingum sem upphaflega voru reistar sem fjárhús og hlaða en sem hafa nú gengið í endurnýjun lífdaga sem vinaleg gisting með persónulega þjónustu. Innan dyra er fátt sem minnir á fyrri starfsemi. Flísalögð gólf og smekklegar innréttingar með leðurhúsgögnum eru til vitnis um að hér snýst starfið ekki lengur um að fóðra sauðfé, heldur að þjóna ferðamönnum sem eiga skilið það besta. Alls eru 46 herbergi á Hof 1 Hóteli. Þegar komið er inn blasir við notaleg gestamóttaka með stórri setustofu og rúmgóðri veitingastofu og er allt sameiginlegt rými og gistiherbergi ríkulega skreytt listaverkum. Á neðri hæð hefur verið innréttað baðstofa (spa) með stórum heitum potti, gufubaði, sturtum og hvíldaraðstöðu. Auk 8 herbergja sem eru staðsett í gömlu hlöðunni eru 16 herbergi í nýrri viðbyggingu. Þá eru fjögur smáhýsi, hvert með tveimur herbergjum auk 6 herbergja í gömlu skólahúsi sem í daglegu tali er kallað þinghúsið. Veitingar Í veitingastofu bjóðum við morgunverð og kvöldverð úr fyrsta flokks hráefnum og leggjum áherslu á fáa en vel valda rétti, saltfiskssteikur frá Eðalfiski í Hauganesi, eldissilung úr sveitinni og sérvalið lambakjöt frá Kjarnafæði á Akureyri auk kjúklinga og grænmetisrétta. Á undan aðalrétti bjóðum við súpu kvöldsins með heimabökuðu brauði og á eftir aðalrétti er kaffi og eftirréttir. Við bjóðum upp á léttvín með mat. Auk þess bjóðum við upp á snafsa, bjór og gosdrykki. Gestir geta pantað nestispakka að kvöldi fyrir náttúruskoðunar- eða gönguferðir daginn eftir. Hægt er að panta morgunverðarhlaðborð.

Share: Facebook Twitter LinkedIn Email

Skildu eftir svar

Netfang þitt verður ekki birt. Nauðsynlegir reitir eru merktir *

Rate this by clicking on a star below: *

error: Content is protected.....B Companies Group.....